‘
आमदार संजय केळकर यांच्या सातत्यपूर्ण आणि आक्रमक पाठपुराव्यामुळे ‘आपला दवाखाना’ उपक्रमामधील कंत्राटी कर्मचाऱ्यांचा तीन महिन्यांपासून थकीत असलेला पगार अखेर त्यांच्या खात्यावर जमा झाला आहे. या कर्मचाऱ्यांनी आ. केळकर यांची ‘जनसेवकाचा जनसंवाद’ या कार्यक्रमात भेट घेऊन त्यांच्या सत्कार करून आभार व्यक्त केले. त्याच बरोबर परिवहन सदस्य विकास पाटील व जितेंद्र मढवी यांनी ही सहकार्य केल्याबद्दल कर्मचाऱ्यांनी आभार व्यक्त केले. यावेळी परिवहन सदस्य विकास पाटील, ठाणे जिल्हा हौसिंग फेडरेशन चे सीताराम राणे, महेश कदम, जितेंद्र मढवी, दत्ता घाडगे, श्रुती महाजन उपस्थित होते.
आम्हाला आमचा पगार मिळेल याची आशा आम्ही सोडली होती. पण ठाण्याचे जनसेवक आमदार संजय केळकर हे आमच्या पाठीशी ठाम पणे उभे राहिल्याने सतत संबंधित अधिकाऱ्यांकडे त्यांनी पाठपुरावा केल्यामुळे आम्हाला आमचे थकीत वेतन मिळाले अशी भावना कामगारांनी बोलताना व्यक्त केली.
जनसेवकाचा जनसंवाद या कार्यक्रमात आ. केळकर यांच्याकडे दिवा पासून नागरिकांची गर्दी होती. यावेळी आ. केळकर यांच्याकडे महावितरण कार्यालय, आझादनगर एस आर ए प्रकल्प, विकासकाने केलेली फसवणूक, महाविद्यालयात ऍडमिशन, दिवा येथील शाळेजवळील दु भाजक काढणे, नवीन गतिरोधक टाकणे आदी विविध निवेदने प्राप्त झाली.
आ. केळकर यांनी बोलताना सांगितले की दर सोमवार आणि शुक्रवार सकाळी 10 ते दुपारी 1 पर्यंत मी खोपट कार्यालयात नागरिकांसाठी बसत असतो. निरनिराळ्या शहरातून नागरिक आपल्या तक्रारी माझ्याकडे घेऊन येत असतात. आपला दवाखाना मध्ये काम करणाऱ्या कंत्राटी कामगारांना माझ्या पाठपुरावा मुळे थकीत वेतन मिळाले असून जे राहिले आहेत त्यांनाही पुढील काळात वेतन त्यांच्या खात्यात जमा होईल. पुढील काळात महापालिकेने देखील वेळच्यावेळी वेतन देणे हे त्यांचं प्रथम कर्त्यव्य आहे आणि ते त्यांनी बिघडवू नये अशी सूचनाही केली.