वेळेच्या 10 मिनटे अगोदर आलेल्या जेष्ठ
नागरिक रुग्णाला गेटवर तिष्ठत ठेवले
ठाणे :
ठाण्याच्या टेंभी नाका, येथील वाडिया दवाखान्यात कार्यरत असलेल्या पालिका सुरक्षा रक्षकाच्या मनमानी कारभार आणि बेशिस्त वागणुकीचा फटका जेष्ठ नागरिकांसह महिला रुग्णांना बसला. सदरचा प्रकार हा बुधवारी संध्याकाळी घडली. ठाणे पालिकेच्या टेंभी नाका, वाडिया दवाखान्यात बुधवारी संध्याकाळी उपचारासाठी आलेल्या महिला दवाखान्याच्या गेटवर तिष्ठत उभ्या होत्या. त्यातच जेष्ठ नागरिक असलेलें महाडीक नावाचे गृहस्थ उपचारासाठी 10 मिनटे अगोदर दवाखान्यात आले. तेव्हा थकल्याने दवाखान्यातील बाकड्यावर बसताच कर्तव्यावर असलेल्या पालिका सुरक्षा राक्षकाने उद्धटपणे जेष्ठ नागरिकांला उठवून गेटच्या बाहेर काढले. सुरक्षा रक्षकाच्या उर्मट वर्तणुकीच्या बाबत आक्षेप घेतला. त्यानंतर रुग्णालयात बाकडे रिकामे असताना असहाय्य महिला रुग्णांना आणि जेष्ठ नागरिकांला तिष्ठत उभे ठेवले. रुग्णांनी याबाबत कर्तव्यावर असलेल्या डॉक्टरांना पालिका सुरक्षाची तक्रार केली. मात्र डॉक्टरांनी रुग्णांच्या तक्रारीकडे दुर्लक्ष केले.
